Mbrëmjen e kaluar, “Shiko kush luan” ishte një puntatë speciale dedikuar fëmijëve të prekur nga tërmeti. Pjesë e emisionit u bë edhe kryetari i bashkisë, Erion Veliaj, i cili u vendos përballë pyetjeve të fëmijëve.

Pyetjes se çfarë përralle i tregon djalit para se të flejë Erion Veliaj ka treguar se i këndon këngën ’Baby shark’. Një pyetje tjetër e fëmijëve ishte se cili ishte personi i pari që i telefonoi atij pasi ra tërmeti dhe kryetari i bashkisë së Tiranës u përgjigj se ishin dy gjyshet e Kajanit.
“Personi i parë që telefonoi pasi ra tërmeti ishte mamaje ime dhe mamaja e Ajolës”- ka thënë Veliaj.

Një nga femijet e pyeti se nëse do bënte vajzë si do ja vendoste emrin. Veliaj u shpreh se po të bëhet baba i një vajze, emrin do e huazojë nga libri i gjyshit të Ajolës, Jakov Xoxa.

“Nëse do kem një vajzē emrin besoj do ja vë nga një libër i Jakov Xoxës, që është gjyshi Ajolës. Nga titulli i një libri, ai ka bërë tre libra kështu që mund ta gjeni. Duhet të lexoni librat që ta gjeni”- ka thënë Veliaj.

Shkrimtari i njohur Javos Xoxa ka bërë tre vepra, Lumin e Vdekur, Juga e Bardhë dhe Lulja e Kripës. Por emri më i përshtatshëm duket ai në librin Juga e Bardhë, pra Juga që në fakt ka kuptimin e flladit të jugut.