Kryetari i Partisë së Lirisë, Ilir Meta ka mbajtur ditën e sotme një konferencë për mediat. Në këtë konferencë Meta ka folur sërish në lidhje me deklatat e lëshuara ndaj kreut të SPAK, Altin Dumani.
Gjatë fjalës së tij Meta u shpreh se u kërkon ndjesë prokurorëve të SPAK që nuk janë si Dumani. Ai më tej shtoi se në SPAK ka prokurorë qe luftojnë krimin. Gjithashtu Meta u shpreh se sipas tij Dumani i ka përmendur tre herë emrin dhe i ka çuar njerëz që ti mbsuhin mendjen që te largohet nga Shqipëria.
“Mbështes deklaratën e Ambasadës së SHBA, mbështes edhe deklaratën e KLP që u krijua nga emërimet e Arta Markut, jua sqarova dje. Kërkoj ndjesë prokurorëve të SPAK që nuk janë si Dumani. E kam thënë edhe më parë që në SPAK ka Dum Duman dhe prokurorë që luftojnë krimin.
I them Dum Dumanit, ke përmendur tre herë emrin tim, i kë çuar edhe njerëz të më mbushin mendjen të iki nga Shqipëria. Pse legen si puna jote jam unë. Gjëmon vjehrrën time të marrësh peng familjen time e do të marrësh PL tia japësh atij torollakut. Nuk nxorëm mend nga lulushët ne?
Pse mo palaço ka frikë Ilir Meta nga burgu yt dhe amerikanëve si Adriano dhe McGonigali? Edhe nga burgu do ta shpërbej atë celulë kriminale. Do sjellësh ti demokracinë në Shqipëri, të kanë tëh në të më fusësh në burg amerikanët e tu, po kur të doni. Mua ka dashur legjendari të më fusë në burg që në 1992,” tha Meta.
Gjatë fjalës së tij Meta nuk u kursye me akuzat ndërsa i bëri thirrje Dumanit që t’i sekuestrojë pasuritë e tij të supozuara, florinjtë apo dhe fabrikat dhe t’ua shpërndajë shqiptarëve. Ai tha se një e katërta e shtëpisë së tij, do ia fal motrës, që kujdeset dhe për prindërit e tyre.
“Ka amerikanë të ndershëm dhe patriotë dhe fundërrina si McGonigal. Ndaj thirri mendjes. Ky është nga Kolonja, kjo nga Gjirokastra. Jam krenar që kam dy bashkëpunëtorë të tillë. Ju pyesni; jo Monika, jo kjo, se janë të stisura këto nga Rama, Veliaj dhe gazetarë që marrin lekë nga inceneratorët. Unë krijova një parti të re, se e bllokoi rrugën e integrimit Nano.
Ai humbi shumë raste për veten dhe Shqipërinë. Kur më tha dhe kuptoi se kjo punë kishte marrë fund më tha; pse të ka ngelur hatri ty. Po të doja e kisha vënë veten në listë i pari. Kisha gjithë shtetin dhe Fatos Nanon kundër. Thashë; o dal deputet atje ku kam qenë, ose nuk shkoj në Kuvend. Nuk bëj parti për të dalë deputet, apo për familjen.
Dum Dumani, florinjtë e mi, fabrikat e mia, ti marrë dhe t’ia çojë popullit. Nuk kam asnjë merak. Unë kam vetëm ¼ e shtëpisë te Pazari i Ri dhe do ia kaloj motrës, që ma ka falur zoti dhe që kujdeset për prindërit. Këtu e vë krevatin te selia,” shtoi Meta.
Gjatë kësaj konference kreu i PL-së nuk ka kursyer as KLP-në ku është shprehur së nësë janë shqetësuar shumë t’i thotë Altin Dumanit që mos të merret me politikë. Meta gjithashtu foli edhe për deklaratat e Ahmetajt për inceneratorët, duke thënë se Dumani paralajmëroi se gazetarët gjatë një takimi se do ketë surpriza. Sipas Metës, Dumani ka dashur që t’i japë mesazh Ahmetajt që të shijojë çfarë ka për të shijuar, në të kundërt do t’ia bëjnë më të vështirë situatën.
“Për Dumdumanin. Arben Ahmetaj bëri një deklaratë, bëri të qartë që s’kishte lidhje me procedurën e inceneratorit. Në ato që tha aludoi qartë për Ramën dhe Veliaj. KLP që qenka shqetësuar shumë, KLP t’i thotë mos bëj deklarata politike, të veprojë sipas ligjit dhe kushtetutës. Dumdumani mblodhi gazetarët dhe tha prisni se do ketë surpriza për Arben Ahmetaj, surpriza ishte puna e ‘Bukës’. Dumdumani donte t’i jepte mesazh Ahmetajt mbyll gojën, shijo ca ke për të shijuar se mund ta bëjmë gjënë edhe më të vështirë”, shtoi ai.
Kreu i PL-së, Ilir Meta ka hedhur akuza të forta ndaj Prokurorisë së Posaçme duke thënë se kreu i saj Altin Dumani mbështetet nga amerikanët për të sulmuar atë. Gjatë intervistës në Opinion Meta tha se sipas informacioneve të tij, Altin Dumani ka patur takime me agjentin e korruoptuar të FBI-së Charles McGonigal. Ndërsa kryeprokurori i Prokurorisë së Posaçme Altin Dumani reagoi duke thënë se akuzat janë të pabaza dhe bëhen për shkak të institucionit që ai drejton. Po ashtu ai ka theksuar se ai nuk është takuar kurrë me McGonigal dhe se emrin ia ka dëgjuar pas publikimit në mediat shqiptare