Një 32-vjeçar është vënë në pranga ditën e sotme në Shkodër. Mësohet se i arrestuari u vendos në pranga pasi iu gjetën në në automjet dhe në banesë kanabis dhe fara kanabisi.

Më tej policia ka bërë me dije se janë sekuestruar 115 fara kanabisi dhe 1 celular. Arrestimi i 32-vjeçari ka ardhur pas një kontrolli të automjetit në Shirokë ku është konstatuar droga.

Njoftimi i plotë:

Vijon zbatimi i masave të përcaktuara në planin operacional kombëtar të koduar “Tempulli 2”. Posedonte lëndë narkotike cannabis dhe fara cannabisi, në automjet dhe në banesë, me qëllim shitjen, kapet në flagrancë dhe vihet në pranga 32-vjeçari.

Sekuestrohen lënda e dyshuar narkotike, 115 fara kanabisi dhe 1 celular. Në vijim të punës operacionale me fokus goditjen e veprimtarive kriminale në fushën e narkotikëve dhe si rezultat i administrimit të shpejtë të informacioneve nga inteligjenca policore, të siguruara në vijim të megaoperacionit antidrogë të koduar “Tempulli 2”, shërbimet e Komisariatit të Policisë Shkodër, në bashkëpunim me specialistët e Seksionit për Hetimin e Narkotikëve, kanë arrestuar në flagrancë shtetasin Luan Reçi, 32 vjeç.

Në Shirokë, shërbimet e Patrullës së Përgjithshme kanë ndaluar për kontroll automjetin me të cilin qarkullonte shtetasi L. R. Gjatë kontrollit fizik ndaj këtij shtetasi, shërbimet e Policisë kanë gjetur një sasi lënde të dyshuar narkotike cannabis sativa. Në vijim të veprimeve procdurale, gjatë kontrollit në banesën e tij, shërbimet e Policisë kanë gjetur një tjetër sasi lënde të dyshuar narkotike cannabis sativa dhe 115 fara cannabisi, të cilat i posedonte me qëllim shitjen. Lënda narkotike dhe farat u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme