HIMARË– Ka nisur me tensione mbledhja në Këshillin Bashkiak të Himarë. Banorët dhe mbështetës të kryebashkiakut të zgjedhur, Fredi Belerit, kanë kërkuar largimin nga salla të Vangjel Tavos. Banorët e tensionuar janë përplasur edhe me policinë, ndërsa mbledhja është shtyrë.
Ditën e sotme Këshilli Bashkiak i Himarës, do të vendosë se cili do të drejtojë bashkinë, pasi edhe kryebashkiaku i zgjedhur Fredi Beleri edhe kryebashkiaku ne detyrë, Jorgo Goro ndodhen në burg.
Këshilli Bashkiak do të zgjedhë mes dy nënkryetarëve, Blerina Bala dhe Pervin Gjikuria. I zgjedhuri do të drejtojë bashkinë Himarë deri në zgjedhjet e reja. Jorgo Goro u arrestua më datë 23 mars. Ai akuzohet për tjetërsim pronash, rreth 10 mijë hektarë. Ndërsa kryebashkiaku i zgjedhur Fredi Beleri u arrestua dy ditë para zgjedhjeve të 14 majit dhe akuzohet për korrupsion në zgjedhje