BRITANI E MADHE- Leonard Farruku, 27 vjeç, nga Manza e Durrësit është shqiptari i vetëvrarë në anijen Bibby Stockholm ku mbahen azilkërkuesit e regjistruar në Britani. Identiteti i viktimës, i cili u gjet pa jetë javën e kaluar, është zbuluar nga ‘The Telegraph’, që shkruan se i riu pagoi 4,000 euro për të kaluar Kanalin La Mansh me gomone duke hyrë ilegalisht në Britani verën e kaluar.
Motra e tij Jola Dushku, 33 vjeçe, e cila jeton në Lombardi të Italisë, tha se ishte e tronditur nga lajmi, të cilin e morën vesh nga të afërmit në Mbretërinë e Bashkuar të kontaktuar nga policia që po hetonte vdekjen.
“Kur fola me të herën e fundit, ai më tha se kushtet në atë varkë nuk ishin të këqija, por ato trajtoheshin nga rojet si kafshë. Vëllai im, kur mbërriti në Britani , i dha Home Office adresën e të afërmve tanë në Londër. Ata u kontaktuan nga policia e cila u tregoi se çfarë kishte ndodhur. Sipas të afërmve tanë që janë në kontakt me policinë, Leonardi atë natë në orën 23 të mbrëmjes ka pasur disa probleme dhe është qetësuar nga roja. Në orën 3 të mëngjesit ai u gjet i vdekur. Nuk kemi më shumë detaje se si ai vdiq.”
Ajo tha se i vëllai ishte i vendosur të merrte leje të pacaktuar për të qëndruar në Britani, ndaj donte të “përmbushte të gjitha kërkesat e Home Office”.
“Ai tha: “Po”, kur i thanë atij se akomodimi i tij i ri do të ishte në atë varkë ku ai kaloi ditët e fundit të jetës së tij. Unë do të gjej paqen në mendjen time vetëm kur të gjej të vërtetën e asaj që ndodhi atë natë në Bibby Stokholm,” tha ajo.
Bibby Stockholm ka pasur probleme që kur u ankorua në Portland në korrik, duke përfshirë një sërë çështjesh të shëndetit dhe sigurisë. Ai duhej të evakuohej në verë pas zbulimit të baktereve potencialisht vdekjeprurëse. Varka është një nga tre vendet kryesore të akomodimit për migrantët e projektuar për të reduktuar koston prej 8 milionë paund në ditë për strehimin e azilkërkuesve në hotele.
Po çfarë është Bibby Stockholm?
Bibby Stockolm është një maune pa motor, anije akomodimi në pronësi të kompanisë së transportit dhe operacioneve detare Bibby Line. Anija është ndërtuar në vitin 1976 dhe mban flamurin e Barbados. Ajo u shndërrua në një maune akomodimi në vitin 1992. Ajo ishte i njohur më parë si Floatel Stockholm dhe Dino
Nga viti 1994 deri në 1998, ai u përdor për të strehuar të pastrehët, duke përfshirë disa azilkërkues, në Hamburg, Gjermani. Në vitin 2005, filloi të përdorej nga Holanda për të ndaluar azilkërkuesit në Roterdam.
Në gusht 2017, pati një diskutim nga një kompani e menaxhimit të pronave rreth dhënies me qira të maunes për t’u ofruar strehim universitar 400 studentëve në Galëay, Irlandë, së bashku me Bibby Bergen. Megjithatë, plani në përgjithësi nuk ishte i zbatueshëm.
Në qershor 2018, maune u zhvendos në Piteå, Suedi, për të ndihmuar në ndërtimin e Farma me erë Markbygden. Ajo qëndroi atje të paktën deri në vitin 2019.
Në prill të vitit 2023, Qeveria e Mbretërisë së Bashkuar bëri publike planet për të përdorur maunën për strehimin e azilkërkuesve në Portland Port në Dorset.