KOSOVË– Kush fshihet pas këngës së fundit ‘Polar Opossites’ e reperit me famë botërore, Drake, që po çmend gjithë shqiptarët? Kjo është pyetja që po qarkullon gjerësisht në rrjet, e jo pa shkas. Në videoklipin e këngës, ku Drake sigurisht zgjodhi të ishte vetë protagonist, shfaqej i veshur ‘kokë e këmbë’ me simbolet kombëtare shqiptare dhe shqiponjën dykrenare të flamurit tonë.

“Polar Opposites” që është pjesë e albumit të tij të fundit “For All the Dogs”, ku reperi kanadez përmendi Prishtinën, u publikua me videoklip një ditë pas Festës së Pavarësisë së Shqipërisë, më 29 nëntor.

 

Por cili është motivi që Drake solli pikërisht tani një këngë ‘surprizë’ për Shqipërinë e shqiptarët dhe kush fshihet pas tij? 

Në hitin e fundit dhe jo vetëm, sigurisht që ka ‘gisht’ një shqiptar. Bëhet fjalë për një prej producentëve të Drake, Gentuar Memishi nga Kosova që prej kohësh punon me emrat më të njohur të muzikës në botë.

Përveç “Polar Opposites”, Genti ka realizuar edhe hitet e tjera të Drake si bashkëpunimin e tij me 21 Savage’s – “Privileged Rappers”, “Calling For You” dhe “ëhat ëould Pluto Do”. Arritjet e Gentit përfshijnë gjithashtu bashkëpunimet me emrat e famshëm si: Lil Yachty, Doja Cat, Lil Yachty, Ty Dollar Sigh, ëiz Khalifa, J. Cole, DaBaby, “City Girls” e shumë të tjerë.