Kryeredaktori i Gazetës Shqiptare Erl Murati, i ftuar në studion e emisionit “Open” në Neës24 ka folur në lidhje me situatën në Kosovë në kuadër të tensioneve të me Beogradin, si edhe qëndrimin e Shqipërisë në këtë çështje.

Murati u shpreh se Kryeministri i Kosovës Albin Kurti ka gabuar me disa veprime, duke rrezikuar edhe një valë sanksionesh nga Perëndimi.

Sa i përket qasjes së Shqipërisë, ai tha se projekti i kryeministrit Rama për Asociacionin në Kosovë është refuzuar si nga Albin Kurti, ashtu edhe nga Presidenti serb Vuçiç.

Sipas tij ky veprim i Ramës ka qenë i papranueshëm për shkak se nuk është konsultuar fillimisht me Prishtinën zyrtare për hartimin dhe përmbajtjen e projektit.