11 vite pritje për të kaluar në fazën çerekfinale. Milan e kthen në festë transfertën londineze, dalin të pamposhtur përballë Tottenham duke siguruar biletë mes tetë më të mirëve në Evropë, në fakt për tifozët kuqezi dukej një përjetësi. “Djalli” nuk vodhi asgjë, ekipi i Piolit ishte thuajse perfekt, nuk i lejuan asgjë rivalëve të tyre, ndërsa ishin jo pak kërcënues në fazën sulmuese, prodhuan më shumë, por nuk ishin të qartë në finalizim.

Në fraksionin e dytë, pas minutës së 77-të, Tottenham mbeti me 10 lojtarë pas daljes me karton të kuq të Romero-s, i dytë i verdhë pas një faulli ndaj Theo Herandez. Me një kundërsulm të shpejtë, Origi goditi shtyllën pingule, ndërsa në limitet e shtesë ishte Maignan që ndali Harry Kane duke bërë që festa në fund të ishte e gjitha për kuqezinjtë.

foto galeri foto galeri 12PreviousNext
“Mbreti Milan” shkruan La Gazzetta në faqen e parë. “Djallëzor”, ishte titulli i përzgjedhur nga Corriere dello Sport.