Tërmetet me pasoja katastrofike në Turqi dhe Siri kanë prekur padyshim gjithë botën, teksa Lionel Messi mësohet se i është bashkuar atyre që janë vënë në dispozicion për të ndihmuar të prekurit nga tragjedia e madhe, që ka lënë në hije edhe luftën në Ukrainë.
Mediat turke bëjnë me dije se argjentinasi ka urdhëruar punonjësit e fonacionit të tij për të ndihmuar dhe mësohet se kampioni i botës ka shpërndarë rreth 3.5 milionë euro në formën e ndihmave të ndryshme.
Kjo ndihmë jepet nëpërmjet fondacionit “Leo Messi”, teksa drejtuesi i kësaj organizate është vëllai i madh i yllit të PSG, Matiasi. Fondacioni është ngritur në bashkëpunim me UNICEF dhe ka si synim kujdesin për shëndetin dhe edukimin e fëmijëve në gjithë globin.