Pas shpalljes “Non Grata” nga Shtete e Bashkuara të Amerikës dhe Britania e Madhe, ish Kryeministri Sali Berisha rrezikon të përndiqet nga i njëjti fat edhe në Bashkimin Europian. Deklarata e fundit e Presidentes së Komisionit Europian, Ursula Von Der Leyen, nuk i lënë shumë pyetjeve, duke paralajmëruar sanksione për politikanët e përfshirë në korrupsion.

“Nuk do të lejojmë që autokratët e korruptuar të sulmojmë demokracitë tona si kalë troje nga brenda. Nëse ne duam të jemi të besueshëm për vendet kandidate, të cilave u kërkojmë forcimin e demokracive të tyre, ne duhet gjithashtu të edukojmë dhe luftojmë korrupsionin edhe brenda kufirit tonë”, tha Von der Leyen.

Ajo u kujdes të ishte e rezervuar në emrat e politikanëve apo vendeve, kur tha se duhet një fokus më i madh në politikat për forcimin e pavarësisë sistemit të drejtësisë për zbatimin e ligjit. Zgjerimi ishte një tjetër pikë, për të cilën Von Der Leyen, dha mesazhin e saj.

“Ky moment vendimtar në politikën globale kërkon një rishikim të agjendës sonë të politikës së jashtme. Kjo është koha për të investuar në fuqinë e demokracive tona. Nëse ne jemi serioz me axhendën tonë të zgjerimit, ne po ashtu duhet të jemi serioz në reforma”, tha Von der Leyen.

Pak ditë më parë ishte Taulant Balla kreu grupit parlamentar të PS-së ai i cili bëri publik këtë iniciativë të Komisionit Europian, që sipas tij do të prekë ata politikanë shqiptarë tashmë ‘Non Grata’ në SHBA dhe në Britaninë e Madhe.