Të shtëna me armë zjarri janë raportuar këtë mbrëmje në Elbasan. Sipas raportimeve, të shtënat janë dëgjuar në lagjen Brigada 17 Sulmuese.

Burime për Mapo bëjnë me dije se në katin e pestë të një pallati, ku jetojnë një çift të moshuarish ka depërtuar një plumb qorr. Ende nuk dihet nga cila anë ka ardhur apo rrethanat e ngjarjes.

Deri më tani, nuk raportohet për persona të lënduar. Mësohet se forca të shumta policia ndodhen në vendngjarje për të zbardhur të tjera detaje.