Klea Huta dhe Elgit Doda janë bërë një ndër çiftet më të preferuar të showbizzit. Prej vitesh tashmë ata shijojnë lidhjen e tyre të dashurisë, që e kanë kurorëzuar në martesë. Tashmë prej muajsh po përjetojnë ndjenjën e të qenit prind të një djali, me emrin Krid.

Klea dhe Elgiti ndajnë herë pas herë momente me vogëlushin e tyre në rrjete sociale, megjithëse janë munduar ta fshehin portretin e tij. Mami Klea po e shijon në maksimum këtë periudhë, ndërsa Kridi po rritet dita ditës.
Së fundmi, ajo ka ndarë një foto të ëmbël të së birit, i rrethuar nga shokët e tij, krahas së cilës ka shkruar: “Po, unë të solla në jetë. Por ishte ti që më dhe jetë mua.”, janë fjalët emocionuese të Kleas.