Kur të ndieni probleme me zemrën, therjet dhe dhembjet në gjoks mund te përdorni këtë ilaç popullor.Stresi është një ndër iniciuesit e dhembjeve të zemrës.
Angina pectoris është një ndjesi presioni shtrëngues në kraharor, shoqëruar shpesh me dhimbje që rrezatohen në krahun e majtë dhe në qafë. Ndërsa, aritmia është një çrregullim i ritmit të rrahjeve të zemrës.Kjo përzierje popullore mund të zbusë aritminë dhe të zvogëlojë dhembjet e shkaktuara me angina pektoris, transmeton Telegrafi.
Për këtë ilaç do t’ju nevojiten:
– 10 kërcej të freskët majdanozi (pa rrënjë);
– 1 l verë të zezë shtëpiake;
– 2 lugë uthull vere;
– 300 g mjaltë natyral.
Përgatitja:
10 kërcej të freskët majdanozi bashkë me fletë hidhini në një litër verë të pastër natyrale dhe shtoni 1 – 2 lugë gjelle uthull vere dhe ziejini 10 minuta në zjarr.
Pastaj shtoni 300 g mjaltë natyral bletësh dhe lini që të ziejnë ngadalë edhe 4 minuta.Verën e nxehtë për zemër kullojeni dhe hidheni në shishe të cilën më parë e keni larë me alkool të fortë.Shtresa e cila krijohet nuk është e dëmshme dhe lirisht mund ta pini.
Aplikimi:
Pija përdoret çdo ditë, 1 lugë gjelle derisa të pushojnë problemet.Për sëmundje të rëndë është e nevojshme të përdoret në periudhë më të gjatë kohore. Theksojnë që para përdorimit te çdo ilaçi popullor është më mirë të konsultoheni me mjekun. /Telegrafi/