Ndryshe nga zakonisht kryeministri Edi Rama kishte marrë një filxhan me vete në takimin e fushatës elektorale në Pogradec.

Rama nxorri një filxhan me vete dhe ‘lexoi’ filxhanin teksa tallej me deputetin e zonës së Pogradecit Klevis Balliun, djalin e Fahri Balliut.

‘Meqë këtu është zona e Bahri Falliut dhe doja t’jua tregoja me filxhan në dorë se çfarë i thotë fallxhorja Bahri Falliut. I thotë ‘Faro shoh një peshk të madh këtu në formë F-je edhe lek i madh Faro’, i thotë ‘lek i madh’. Edhe Faro i thotë ‘po kjo K-ja këtu afër, ç’a është kjo Korean?’. ‘Jo Faro’ i thotë ‘kjo K-ja këtu është Klevisi’ edhe i thotë ‘Po ç’a bën ky këtu po më ha lekët mua?’ Fallxhorja i thotë ‘Jooo. Ti ha Faro ti ha po shiko si hapet rruga e gjolit këtu dhe ja ku e ke dhe del një I që është Iliri dhe shiko Faro si e bën Iliri zjarr dhe gjithë gjoli bëhet tigan dhe K-ja bëhet ministër Drejtësie’. Tani në këtë situatë është mirë të qeshim dhe pak me këta, se këta ia ngrysën vetullat dhe ia ngrysën ballin këtij vendi, se këta janë për të qarë e për të qeshur’, tha kryeministri duke shkaktuar shumë të qeshura të qytetarët e pranishëm.