Lori Hoxha është një nga femrat më me influencë në Shqipëri, njihet si një ndër të veshurat më me stil, ndër më të ndjekurat në Instagram, e shumë komentuar në media e rrjete sociale. Lori sot ka vendosur t’u përgjigjet pyetjeve të fansave në Instagram ku një prej tyre e pyet nëse vuan nga ankthi dhe krizat e panikut dhe si i përballon.

Lori është shprehur se prej kohësh vuan nga ankthi dhe krizat e panikut dhe se për të rritur ndërgjegjësimin në Shqipëri do të realizojë një video.

“Po kam (ankth dhe kriza paniku). Ka kaluar kaq shumë kohë dhe nuk ka një mënyrë ekzakte për t’u përballuar. Do bëj një video në Youtube për këtë një ditë duke shpresuar të rris ndërgjegjësimin mbi shëndetin mendor në Shqipëri. Ka kaq shumë stigmë rreth kësaj në shoqëri dhe do doja që kjo të ndryshonte. Jam me fat që marr ndihmën që më duhet dhe dua të njëjtën gjë per të gjithë”, shkruan Lori.