Gazetarja Dasara Karaiskaj ka deklaruar se përpara shtatë vitesh bënte realisht atë çfarë donte në ekran.E ftuar në emisionin “ABC e Mëngjesit”, ajo është shprehur se aktualisht nuk e bën më atë gjë, pasi është lodhur.

“Para 7 vitesh unë bëja atë që doja ta bëja edhe tani. Por jam lodhur me këtë mënyrë. Unë i përkas një shenje horoskopi që diçka kur e bëj, e bëj mirë”, tha Dasara.

Më tej, ajo ka zbuluar edhe momentin më të çuditshëm gjatë intervistave, duke veçuar historinë e një hajduti shtëpish në Itali.

“Nuk do ta harroj kurrë derisa të vdes historinë e një hajduti shtëpish në Itali, atë nuk do ta harrojë kurrë. Fakti që ai ishte hajdut shtëpish shpjegohej pastaj edhe nga prejardhja e tij, nga realiteti që e përfaqëson atë si individ. Kjo shpjegoj edhe një herë, besoj që njerëzit nuk janë rastësisht kjo që janë në këtë botë. Gjithmonë ka të bëjë fakti nga vijnë. Prejardhja jo në kuptimin kush janë prindërit, por realiteti, se mund të mos kesh prindër fare se je rritur në një jetimore”, u shpreh gazetarja.
Ajo tha se po punon për të sjellë një program të ri, por u tregua shumë e rezervuar për të dhënë detaje të tjera mbi formatin e tij dhe ekranin ku do ta shohim gazetaren.

“Nuk e kam merakun e ekranit, por që të punoj në media se jam rritur me ambientin, e dua ajrin e televizionit. Po punoj për një program, por nuk dua ta them, nuk thuhet.“, tha Desara./ABC