SHBA është vendi më i prekur në botë nga koronavirusi, me 245 mijë persona të prekur në total dhe 6 mijë viktima.Kjo situatë e vështirë ka detyruar shumë qytetarë të lënë punën dhe të qëndrojnë të izoluar në shtëpi.
Duket se paniku ka përfshirë edhe median, ku një pjesë e konsiderueshme e punëtorëve po punojnë nga shtëpia.
Diçka të tillë ka bërë edhe gazetarja e njohur e rrjetit televiziv CNN, Christiane Amanpour për të qenë më e sigurt.Në rrjetin social instagram, ajo ka publikuar 2 foto ku duket se po transmeton nga shtëpia.

Ajo shprehet se nuk i është dashur të bëjë këtë gjë më parë, por po flasim për distancim shoqëror dhe do vijojë me raportimin e fakteve.
Ndërsa në foton tjetër ajo tregon një nga vështirësitë e transmetimit të emisionit nga shtëpia:’Po përpiqem ta mbaj jashtë kornizës qenin tim’./Hapur.al