Hudhra është një nga produktet që përdoret shumë në kuzhinë. Shumë amvisa kur qërojnë thelpinjtë e hudhrave i hedhin në kosh lëvoret e tyre, por ne do ju këshillonim që mos ta bënit diçka të tillë. Arsyeja është për t’i përdorur ato në përgatitjen e disa kurave natyrale. Lëvoret e hudhrës shërbejnë për të shëruar shumë probleme shëndetësore, si pastrimin e organizmit, qarkullimin e gjakut gjithashtu dhe për të pastruar organizmin nga të gjitha toksinat.

Më poshtë do ju tregojmë disa mënyra se si t’i përdorni dhe të keni përfitimin e duhur nga ky produkt pa kosto.
Për largimin e toksinave nga trupi

Zjeni në 250 ml ujë një lugë çaji të mbushur me lëkura hudhre. Më pas kulloni lëngun dhe lëreni të ftohet. Do t’ju ndihmojë të largoni toksinat nga trupi. Kjo kurë konsumohet nga një lugë gjelle tre herë në ditë për një muaj. Më pas bëni 10 ditë pushim dhe kurën mund ta ripërsërisni edhe për një muaj tjetër.
Për Rënie në Peshe
Zjeni në një tenxhere të vogël 1 litër ujë. Pasi uji të nisë të vlojë largojeni nga zjarri. Hidhni në tenxheren ku keni ujin e zier të nxehtë tre duar me lëkura hudhrash.
Kujdes lëkurat e hudhrave duhet t’i hidhni pasi uji ka zierë dhe jo gjatë momentit të zierjes. Përzjeini mirë dhe lëreni të qendrojë ashtu përgjatë gjithë natës. Të nesërmen kullojeni lëngun dhe pini dy ose tre gota në ditë për një muaj ose dy muaj në varësi të peshës trupore që keni.
Parandalimi i Të Ftohurës dhe Gripit
Vendosni në një tenxhere të vogël katër pesë lugë gjelle me ujë. Sapo uji të nisë të nxehet shtoni aty një gotë të mbushur plot me lëkura hudhrash. Sapo masa të nisë të nxjerrë avull thithni avullin përmes hundëve.Ky trajtim duhet të përgatitet çdo ditë për një ditë dhe do t’ju ndihmojë në forcimin e sistemit imunitar duke panadaluar viroza të ndryshme të stinës.