Emigrantët ishin në qendër të mesazhit të Papaa Franceskut gjatë meshës së Krishtlindjeve. Kreu i Vatikanit i bëri thirrje të krishterëve që të mos injorojnë vështirësitë e njerëzve që janë larguar nga tokat e tyre.

Papa i krahasoi emigrantët me Marian dhe Jozefin duke treguar historinë se si ata udhëtuan nga Nazareti drejt Betlehemit, por nuk gjetën vend për të qëndruar.

“Shumë emigrantë- tha Papa -detyrohen që të largohen nga vendet e tyre, t’ia mbathin, për shkak të liderëve që derdhin gjak të pafajshmish pa u menduar dy herë”. Mbrojtja e emigrantëve në të gjithë botën ka qenë një nga prioritetet e papës Francesku gjatë papatit të tij.