Presidenti i Shqipërisë, Ilir Meta ka reaguar sërish për ngjarjen në Divjakë ku një aktiviste e PD Elsa Bita ka denoncuar se është dhunuar nga shefi i komisariatit pasi po filmonte.
Meta thotë se nesër do të jetë edhe referendum kundër dhunës dhe pro paqes.
Ai thotë se ngjarja e Divjakës mund të ishte parandaluar nëse 4 kallëzimet do të ishin hetuar.
STATUSI NGA ILIR META
Shqipëria nesër në Referendum kundër dhunës dhe pro paqes e bashkëjetesës demokratike dhe vëllazërore, si shqiptarë dhe shtetas të barabartë para ligjit.
Barazia e votës na garanton barazinë përpara ligjit.
Sovrani është nisur të marrë në duart e tij vullnetin, që ia tjetërsuan përmes dhunës.
Me qetësi dhe vendosmëri t’i tregojmë Europës së Bashkuar se e meritojmë vendin tonë plotësisht si anëtarë me dinjitet dhe identitet.
Ngjarja e rëndë e ndodhur sot në Divjakë mund të ishte parandaluar nëse të katër kallëzimet do të ishin hetuar në kohë.
Shefi i Komisariatit Divjake i kallzuar 4 here rrjesht gjate ketij muaji nga Dega e PD Divjake