.

“Ma vënë në dukje shumë njerëz që jam arrogant”, Rama e mohon: Jam kokëfortë dhe këmbëngulës

Kryeministri Edi Rama ka komentuar deklaratat që shpesh herë bëhen për të, ndërsa theksoi se ai nuk është arrogant por kokëfortë.

Në fjalën e tij të gjatë me mbështetësit e tij në Librazhd, kreu i qeverisë tha se është njeri këmbëngulës.

“Më thonë shumë arrogant, por më shumë se arrogant do thoja kokëfortë dhe këmbëngulës derisa e teproj. Më thonë si mund të flasë kryeministri kështu kur unë hy në ‘FB’ për të komentuar. Po sepse kryeministrat me të cilët jeni mësuar as në rrugë nuk e kthejnë kokën. Për mua është ndryshe. Unë ndihem dhe jam çdo ditë dhe çdo sekondë njëri nga ata të cilët më ka dhënë nderin për të qenë në krye të këtij vendi. Luftoj deri në fund për bindjet e mia dhe qëllimet që i kam ndarë paraprakisht. Nuk ka asgjë të pamundur. Në mëngjes hoqa atletet që t’i kem për kollaj këto këpucët. Tani po e vija re që kam harruar të vesh atletet. Kjo është dita ime. Kur njeriu është i përkushtuar me mish dhe shpirt në një detyrë të rëndësishme dhe me privilegj të madh. I thotë vetes rezisto dhe ec përpara. Duro beso, puno se do t’ia dalim”, -pohoi ai.