.

U rrahën brutalisht me njëri tjetrin, policia arreston dy tifozë pas derbit të kryeqytetit (Procedohen penalisht 14 të tjerë)

Policia e Elbasanit ka arrestuar dy tifozë të cilët janë konfliktuar me sende të forta para ndeshjes Tirana-Partizani, e cila u luajt mbrëmjen e djeshme në “Elbasan Arena”.

Shtetasit e ndaluar janë: S. V., 28 vjeç dhe K. B., 19 vjeç, banues në Tiranë.

Gjithashtu blutë e Elbasanit bëjnë me dije se janë proceduar penalisht 14 persona të tjerë, për shkak të prishjes së qetësisë publike dhe dëmtimit të bizneseve private.

Njoftimi i plotë i policisë

U konfliktuan fizikisht me njëri-tjetrin, duke përdorur sende të forta, para ndeshjes së futbollit Tirana-Partizani, arrestohen në flagrancë 2 shtetas, procedohen penalisht 14 të tjerë.

Specialistët për Hetimin e Krimit në Komisariatin e Policisë Elbasan arrestuan në flagrancë shtetasit S. V., 28 vjeç dhe K. B., 19 vjeç, banues në Tiranë, si dhe kanë proceduar penalisht në gjendje të lirë 14 shtetas të tjerë.

Arrestimi dhe procedimi i këtyre shtetasve u bë pasi në lagjen “Luigj Gurakuqi”, bulevardi “Aqif Pasha”, Elbasan, këta shtetas, si tifozë të ekipeve të futbollit Tirana dhe Partizani janë konfliktuar fizikisht me njëri-tjetrin, duke përdorur sende të forta, dhe për pasojë janë dëmtuar 3 shtetas, të cilët ndodhen jashtë rrezikut për jetën.

Gjithashtu është dëmtuar me sende të forta (gurë) një lokal në pronësi të shtetasit A. M.,

Materialet hetimore i kaluan Prokurorisë pranë Gjykatës së Shkallës së Parë për veprime të mëtejshme procedurale.