Kompania Astra Zeneca ka bërë me dije se do të ketë një reduktim të dozave të përcaktuara për t’ju shpërndarë vendeve të BE.

Nëpërmjet një njoftimi, kompania ka bërë me dije se shkak për këtë reduktim të dozave,është një problem teknik i prodhimit.

“Dërgesat fillestare do të jenë më të ulëta se sa pritej, për shkak të rendimenteve më të ulëta në një vend prodhimi brenda zinxhirit tonë në Europë”, njoftoi zëdhënësi i kompanisë.

“Ne do të furnizojmë me dhjetëra milion doza Bashkimin Europian në shkurt dh mars, ndërkohë do të vazhdojmë të rrisim vëllimet e prodhimit, theksoi ai.

Ndërkohë, një ditë më parë, edhe Pfizer njoftoi se do të përgjysmojë numrin e vaksinave të koronavirus, për disa vende të BE.