.

Performoi në inaugurimin e Joe Biden, mesazhi që fshihej pas pëllumbit në xhaketën e Lady Gaga-s

Lady Gaga këndoi himnin kombëtar në nisjen e ceremonisë së inaugurimit të Joe Biden si president i SHBA-ve një ditë më parë. Këngëtarja e hitit “Bad Romance” tërhoqi vemendjen me një veshje të veçantë, e cila kishte zgjedhur një xhaketë të zezë që i rrinte pas trupit dhe një fund të gjatë të kuq të fryrë.

Këngëtarja performoi me një mikron prej floriri dhe në xhaketën e saj kishte vendosur po ashtu një pëllumb prej ari. Pas performancës, Lady Gaga shpjegoi në twitter simbolikën, duke thënë se përmes pëllumbit që mban një degë ulliri dëshironte të përcillte një mesazh për paqe.
“Një pëllumb që mban një degë ulliri. Shpresoj që të gjithë ne të bëjmë paqe me njëri-tjetrin”, ka shkruar këngëtarja në një postim në Twitter. Ndërkohë, para se të performonte këngëtarja u shpreh se ndihej e nderuar që i ishte besuar të këndonte himnin kombëtar në këtë ditë speciale.