.

Shtimi i raste me COVID dhe frika nga mutacioni i ri, Austria mbyll 45 pika kufitare me Sllovakinë dhe Republikën Çeke

Austria ka mbyllur 45 pika kufitare me Sllovakinë dhe Republikën Çeke. Vendimi u mor për shkak të rritjes së rasteve me koronavirus në të dy vendet fqinje.

Sipas një urdhëresë të lëshuar nga Ministri i Brendshëm austriak, Karl Nehammer, kjo masë merret për të ruajtur rendin dhe sigurinë publike.

Ministri i Shëndetësisë, Rudolf Anschober tha të mërkurën se statistikat e fundit të infeksioneve nga këto shtete janë alarmante. Kujtojmë se Republika Çeke ka një numër masiv të infeksioneve të reja me virusin korona, ndërkohë që në Sllovaki ka dyshime për raste të shumta të mutacionit të virusit të ri.
Tashmë kush do të hyjë në Austri nga këto shtete, duhet që me detyrim të futet në karantinë.