.

Paralajmërimi i ekspertit amerikan: Synimi për imunitetin e tufës COVID-19, do të çonte në…


Nëse Shtetet e Bashkuara të Amerikës do të lejonin që infeksioni i koronavirusit të përhapet në mënyrë që të arrihet imuniteti i mundshëm i tufës, numri i vdekjeve do të ishte masiv, veçanërisht në mesin e njerëzve e probleme të ttjera.

Mjeku Anthony Fauci, drejtori i Institutit Kombëtar të Alergjisë dhe Sëmundjeve Infektive, shpjegoi rreziqet gjatë një bashkëbisedimi përmes rrjeteve sociale me aktorin Matthew McConaughey.

“Nëse të gjithë do të infektoheshim, madje me një përqindje relativisht të lartë të njerëzve pa simptoma…shumë njerëz do të vdesin”, tha Fauci.

“Ju shikoni Shtetet e Bashkuara të Amerikës me epideminë e mbipeshës. Me numrin e personave me hipertension. Me numrin e personave me diabet. Nëse të gjithë infektoheshin, numri i vdekjeve do të ishte jashtëzakonisht i madh dhe plotësisht i papranueshëm”, shtoi 79-vjeçari.

Imuniteti i tufës arrihet kur rreth 70 për qind deri 90 për qind e një popullate bëhet imune ndaj një sëmundjeje qoftë përmes infeksionit dhe shërimit ose vaksinimit.

Kur kjo të ndodhë, sëmundja ka më pak të ngjarë të përhapet tek njerëzit që nuk janë imun, sepse thjesht nuk ka transportues të mjaftueshëm infektues për t’i arritur ato. Ende nuk është e qartë nëse të mbijetuarit e COVID-19 kanë krijuar imunitet.