Me linjat ajrore që po paraqesin masa të reja si maska ​​për fytyrën dhe rutinat sanitare të intensifikuara për të siguruar pasagjerët, njerëzit i janë rikthyer me kujdes udhëtimeve ajrore edhe pse pandemia e koronavirus vazhdon të përhapet në të gjithë botën.

Por për disa, ideja e ngjitjes në avion tani ose në të ardhmen e afërt, mbetet e paimagjinueshme. Asgjë që linjat ajrore, zyrtarët qeveritarë apo udhëtarët e tjerë mund të thonë, nuk i bind këta njerëz të hipin në bord.

NN foli me disa prej këtyre udhëtarëve të vetë-ndaluar, për të zbuluar shqetësimet e tyre më të mëdha në lidhje me udhëtimin ajror në këtë moment dhe çfarë do të duhej për t’i rikthyer ata në lartësinë 30,000 metra. Për Chris Trinh, një baba 41-vjeçar i katër fëmijëve në Minesota, vendimi për të mos shkelur në avion është pjesërisht për shkak të fëmijëve të tij – më i vogli i tyre është vetëm 10-muajsh dhe ai thotë se shqetësohet për ta.

Chris po kështu mendon se sado i kujdesshëm të jetë ai, nuk mund të garantojë që edhe të tjerët do të sillen në mënyrë të ndërgjegjshme.”Është e vështirë të besosh tek ndërgjegjja e të tjerave”, thotë ai.

Gruaja e Trinh është japoneze, dhe familja zakonisht kalon pushime të zgjatura në Japoni gjatë muajve të verës. Ky është viti i parë që ata do të qëndrojnë në Shtetet e Bashkuara.”Rreziku është shumë i lartë dhe ne thjesht nuk duam të udhëtojmë,” shpjegon ai.

Trinh dhe familja e tij nuk janë vetëm. Drejtori i inxhinierisë shëndetësore në pension CVS, Vincent Marseglia, 70 vjeç, po shmang gjithashtu fluturimin.”Do të kesh pranë njerëz të tjerë edhe sikur ta lënë sediljen e mesit bosh”, tha ai. Këta njerëz thonë se nuk do të fluturojnë deri në momentin kur do të dalë vaksina e Covid-19.