Lista të hapura apo të mbyllura, koalicione para apo pas zgjedhore? Cfarë do të ndodhë në Kuvend më 23 Korrik, pasi mazhoranca arriti kuorumin e duhur prej 84 votash për ta votuar Kodin e ri Zgjedhor? Keto dhe të tjera çështje u diskutuan mbrëmë në Open mes Andi Bushatit, Carlo Bolinos, Enton Abilekajt, Endri Shabanit dhe Kreshnik Spahiu.
Pasi kryeministri Rama u shpreh se mbështet “Listat e Hapura”, Abilekaj dhe Bushati deklaruan se marrëveshja e 5 Qershorit është prishur.
Carlo Bolino sqaroi në Open se çfarë ndodh nëse hapen listat. Sipas tij ky veprim do të hiqte automatikisht koalicionet.
Endri Shabani deklaroi se marrëveshja e 5 Qershorit është rrëzuar dhe ky është një lajm i mirë pasi sipas tij të gjitha palët u bënë bashkë dhe ranë dakord që të mos bëjnë reformë.
Enton Abilekaj e akuzoi Kryeministrin Rama se në marrëzinë për të marrë pushtet të pakontrolluar po prish rregullat e lojës për interesin personal.
Andi Bushati shpërtheu në akuza ndaj Opozitës së re Parlamentare. Këta deputetë sipas tij po i shërbejnë Kryeministrit Rama.
“Na ka pramtuar me gojën e tij listat e hapura”, Endri Shabani tregon detaje nga takimi me Lulzim Bashën
“Më gënjeve një herë është faji yt, më gënjeve herën e dytë është faji im”, Kreshnik Spahiu kujton deklaratat e Bashës për të cilin thotë se e shikon fitoren pa bërë reformë
Bolino dhe Abilekaj u përplasën ashpër në Open duke fyer njëri-tjetrin në menyrë personale.
Parashikimi i Bushatit: Ne as për 5 dhe as për 10 vite nuk futemi në bashkimin Europian. Analisti e cilësoi Ramën si lojtar të pisët ndërsa Opozitën si qaramane
Bolino, Abilekaj dhe Shabani analizuan deklaratën e fortë dhe surprizuese të Bashës i cili tha se: “Kryeministri i ka dërguar ndërmjetës, duke i propozuar që të hiqnin koalicionet për zgjedhjet e ardhshme dhe në këmbim Lulzim Basha do të ishte kryeministër dhe Rama, President”.
Andi Bushati konfirmoi që Bashës i kanë shkuar njerëz nga Rama për të negociuar për zgjedhjet e ardhshme. Sipas analistit Basha ka bërë gabim që e nxorri një lajm të tillë por njëkohësisht tregoi se mes tij dhe Ramës nuk ka marrëveshje.
Emisionin e plotë mund ta ndiqni në linkun e mëposhtëm