Të gjithë e dimë se në rrjetet sociale njerëzit postojnë momentet më të gëzueshme, duke mos treguar ashtu siç është jeta reale.

Janë të paktë ata pesona që vendosin të ndajnë me ndjekësit anën “jo perfekte”, mangësitë, problemet apo luftën e përditshme me diçka që e mundon.

Teksa të gjithë përpiqen të tregojnë se po argëtohen në maksimum gjatë qëndrimit në shtëpi, modelja Kendall Jenner nisi sfidën më interesante në Instagram.

“How are you really challenge” (Si ndihesh në të vërtetë) është sfida më e re në Instagram dhe të gjithë po falenderojnë modelen për këtë.

Kendall i fton të gjithë të tregojnë emocionet e tyre të vërteta dhe mënyrën sesi po e përjetojnë karantinën. Gjithçka pa dorashka, sa më të sinqertë dhe të hapur me njëri-tjetrin.

Kjo ishte ajo që vërtetë i duhej njerëzve në këtë kohë të vështirë dhe ishte vetë Kendall ajo që mori iniciativën të tregojë e para si ndihet.

Modelja rrëfeu se kishte ditë kur ndihej e dëshpëruar dhe nuk kishte dëshirë të bënte asgjë, ndërsa ditë të tjera ndihej mirë dhe arrinte ta mbante veten e saj nën kontroll.