.

“Kam dëgjuar histori që të thyenin zemrën”, ministri i jashtëm Stef Blok tregon sa para do të dhurojë Holanda për rindërtimin


Në mbështetje të Shqipërisë për rindërtimin e shtëpive të dëmtuara nga tërmeti i 26 nëntorit, Holanda ka vendosur që ti dhurojnë Shqipërisë 3 milionë euro.

Kjo u konfirmua nga ministri i Jashtëm holandez, Stef Blok, por që do behet e ditur edhe gjate konferences së donatorëve.

“Tërmeti shkatërrues që goditi Shqipërinë vitin e kaluar na tronditi të gjithëve. Kam parë pamje të dëmeve, ndërsa Kryeministri Rama dhe kolegu im Cakaj më kanë treguar histori që të thyenin zemrën për qytetarët shqiptarë që ranë viktimë e kësaj fatkeqësie. Vendet e Ulëta janë të përkushtuara fort që të ndihmojnë Shqipërinë në përpjekjet për rindërtim. Në solidaritet me popullin shqiptar Vendet e ulëta do të dhurojnë 3 milionë euro për rindërtimin”, tha Blok./paanorama