.

Gjykata pushoi çështjen e lobimit ndaj Bashës dhe dy zyrtarëve të PD, prokuroria e apelon

 

Dy javë pasi Gjykata e Tiranës pushoi çështjen nga kryedemokratit Lulzim Basha dhe dy zyrtarëve të PD-së, Prokuroria ankimon.

Mësohet se prokuroria e Tiranës ka apeluar vendimin që i dha pafajësi Bashës dhe ish-Sekretarit të Përgjithshëm të Partisë Demokratike, Arben Ristani si dhe shefit të financës së këtij subjekti Ilir Dervishi.

Gjykata e Tiranës rrëzoi akuzat ndaj Bashës, Ristanit dhe Dervishit për falsifikim formularësh në çështjen e lobimit pasi nuk ekzistojnë prova.

Në 41 faqe vendim të gjykatës së Tiranës thuhej se nuk ekziston fakti penal. Sipas hetimit gjyqësor ka rezultuar se PD s’ka pasur kontratë lobimi me kompaninë “Biniada Trade”.

Sipas gjykatës kontrata e Nick Muzin me “Biniada Trade” s’ka lidhje me interesa të ndonjë partie politike.
Gjykata arsyeton se Nick Muzin deklaron se 500 mijë dollarë i ka marrë nga PD dhe 150 mijë nga “Biniada trade”, por ky deklarim i tij nuk provohet me dokumente dhe për rrjedhojë s’mund t’i nënshtrohet vlerësimit të Gjykatës.
Në vendim thuhet se mes Muzin dhe PD nuk ka kontratë edhe as akt marrëveshje shoqëruese ndaj për këtë arsye, gjykata vlerëson se fakti penal nuk ka ekzistuar asnjëherë ndaj edhe ka vendosur pushim e çështjes.

Kujtojmë se pas vendimit, Kreu i grupit parlamentar të PS-së Taulant Balla e quajti teatër të turpshëm duke paralajmëruar ‘se kush mendon se kjo dosje e rëndë mund të mbyllet pa u hetuar aspak në themel dhe pa u marrë në pyetje gjithë persona e përfshirë e ka gabim’./Balkanweb