Tradita e unazës së martesës e ka origjinën që nga Egjipti i lashtë, pasi arkeologët kanë gjetur prova në hieroglifikë që nuset duhej të mbanin një unazë, sipas BBC. Dhe kulturat e tjera të lashta mbanin gjithashtu unaza martese; njerëzit kanë vendosur unazat e martesës në gishtat e unazës së dorës së majtë, që nga koha e Grekëve dhe Romakëve të Lashtë.

Arsyeja përse gishti i katërt ishte i përzgjedhuri? Ka një shpjegim prekës. “Në kohët e lashta, mendohej se ekziston një venë në këtë gisht në dorën e majtë, që shkon drejt e në zemër”, shpjegon Bernadette Chapman, themeluese e Aleancës Britanike të Planifikuesve të Dasmave. Dhe zemra, sigurisht, mendohej se ishte zemra e emocioneve tona në atë kohë. Prandaj romakët e quanin këtë venë, vena amoris, latinisht për “vena e dashurisë”.

Njohuritë tona për trupin e njeriut kanë evoluar shumë që nga ajo kohë, natyrisht. Më e rëndësishmja: Ne njerëzit nuk kemi asnjë lloj vene të tillë, për fat të keq. Përveç kësaj, ne e dimë tani që zemra është një organ për pompimin e gjakut – por kjo nuk na ka ndaluar, që të vazhdojmë të flasim për të, në kontekste romantike, emocionale. Po kështu, ne ende mbajmë unaza martese në gishtat e katërt!

Variacione të traditës

Pavarësisht nga mbizotërimi i kësaj tradite të gishtit të unazës së martesës, veçanërisht në të gjithë kulturat perëndimore, jo të gjithë e ndjekin atë. “Disa kultura zgjedhin lirinë dhe individualitetin kur bëhet fjalë të vendosin vetë se në cilën dorë ta mbajnë,” shpjegon trajneria e biznesit Jennifer Claire Konstante. “Çiftet nga vendet evropiane, si Austri, Danimarkë dhe Gjermanië, në fakt i mbajnë unazat në dorën e djathtë.” Edhe në Indi, “sepse dora e majtë konsiderohet e papastër”. / meb.al