.

Tërmeti/ “Konferenca e donatorëve në Shqipëri”- Rama premtim qytetarëve: Në banesat e reja brenda 2020

Kryeministri Edi Rama tha se është vendosur që konferenca e donatorëve do të mbahet në Shqipëri, në fund të janarit, apo në fillim të shkurtit, në varësi të raportit përfundimtar për dëmet në banesa, për të cilin tha se po punohet.

Në një lidhje direkt në facebook, Rama u shpreh se për ata banorë në fshat , që kanë humbur banesat e tyre, do të futen në banesat e reja brenda 2020, ndërsa për banorë te qyteteve, kryeministri u shpreh se do të jenë në apartamente të reja brenda qershorit të 2021.

“Kemi sistemuar dhe vazhdojmë dhe mijëra të tjerë në çadrat dimërore. Kemi angazhuar qindra inxhinier dhe specialistë, për të inspektuar shkallën e dëmeve, kemi nisur punën për rindërtimin nën bashkëpunim me organizatat solidare për njerëzit në nevojë, me Elvisin me Arbrin, me Marinin. Në Thumanë do të përqendrohemi për një model shembullorë rilindje. Kemi mobilizuar komunitetin ndërkombëtar me shumë shpejtësi, krijuam bindjen për një konferencës donatorësh që do ta mbajmë në janar në fund të janarit apo në fillim të shkurtit, në varësi të raportit përfundimtare që po shkruhet. Nuk do të jetë e leh6ë që t’i bëjmë gjërat shumë mirë dhe shumë shpejt në mënyrë që brenda 2020 askush të mos mbetet pas perspektivën e qartë dhe konkrete. Të gjithë banorët e fshatit që e kanë humbur shtëpinë, brenda 2020, ta gëzojnë vitin e ri në shtëpinë ere. Brenda qershorit 2021, të gjithë banorët që kanë humbur banesën në qytete, të jenë në apartamente të reja. Vazhdojnë hetimet e policisë kriminale në bashkëpunim me prokurorinë, për të dokumentuar përgjegjësit e çdo niveli, për dëmet e shkaktuara nga gabimet në ndërtim. Mos dëgjoni ata që thonë pse nuk ka arrestime sepse nuk dinë çështë puna dhe nuk dinë punë tjetër veç llafeve në ato tenda, që mblidhen si burrat e Andon Zako Çajupit”, tha Rama.