Familjarët e Alvin Berishës treguan për Open për Top Channel emocionet e kthimit e 11-vjeçarit në shtëpi.

Gjyshi i tij ishte shumëi emocionuar teka tregoi në Open emocionet e takimit.

“Kur erdhi e më pa tek shkallët, mu hodh në qafë, më përqafoi dhe tha gjyshi. Unë e përqafova dhe e putha në dy faqet. Gëzimi ishte shumë i madh. Më kishte mbajt mend edhe në Siri se edhe atje i ka thënë Afrimit më ço tek gjyshi”- u shpreh gjyshi i Alvin.

Afrim Berisha e nisi fjalën e tij në Open duke falenderuar presidentin Meta dhe kryeministrin Rama.

Presidenti Meta më ka thanë, do bëj të pamundurën për ta kthyer. Kryeministrit i kam shkruar dhe më ka kthyer përgjigje, duke më thënë që po punohet- tha Afrim Berisha.