Agjencia e lajmeve “Reuters” ka zbardhur te tjera detaje lidhur me qendrimin qe mban Franca per negociatat e BE me Shqiperine dhe Maqedonine e Veriut.

Lajmin media e jep qe ne titull ku shkruan: “Franca kundërshton bisedimet e anëtarësimit në BE me Maqedoninë e Veriut, Shqipërinë”, e burim per kete thote se jane diplomatë qe kane folur me Reuters.

SHKRIMI
BRUKSEL (Reuters) – Franca u beri me dije vendeve të tjera të Bashkimit Evropian këtë javë se ishte kundër fillimit të negociatave të anëtarësimit me Maqedoninë e Veriut dhe Shqipërinë tani për tani, thanë burime diplomatike për Reuters.

Më shumë se gjysma e 28 vendeve anëtare të BE-së, si dhe zyrtarët e saj të lartë në Bruksel, po përpiqen të shpërblejnë të dy shtetet e Ballkanit për reformat duke rënë dakord për të filluar bisedimet e pranimit.

Ata paralajmërojnë Rusinë, Kinën ose Turqinë që të përfitojnë nga një “vakum strategjik” në rajonin e trazuar nëse BE nuk arrin të mbajë perspektivë të prekshme për vendet atje.

Por Parisi thotë se BE përballet me shumë sfida tani për të lejuar edhe dy shtete të tjera nga Ballkani, një rajon ende i mërzitur nga luftërat e viteve 1990 dhe që ka edne pune ne luften kunder krimit dhe korrupsionit.

Franca thotë se BE duhet të reformohet brenda saj pike së pari për të trajtuar me një forcë dhe unitet më të madh sfida të tilla si ndryshimi i klimës dhe migracioni, dhe se të dyja vendet qe shpresojne vendim pozitiv (Shqiperia dhe Maqedonia e Veriut) duhet të vazhdojne me reforma të mëtejshme përpara se të fillohet bisedimi i pranimit me BE.

“Ne po u kërkojmë atyre të bëjnë përpjekje shtesë”, tha një zyrtar francez. “Negociatat nuk mund të hapen në Tetor 2019, do të duhet të rivlerësojmë situatën diku në vitin 2020.”

Njëzëri midis 28 vendeve anëtare kërkohet për të filluar bisedimet e pranimit.

Ministrat e BE do të diskutojnë çështjen përsëri në Luksemburg të martën para se liderët kombëtarë të takohen në Bruksel për një samit në 17-18 tetor.

“Kjo është shumë zhgënjyese për shumicën e vendeve anëtare. Besueshmëria jonë është në diskutim”, tha një diplomat nga një vend i gatshëm të hap dyert për kandidatët e Ballkanit Perëndimor.

“Maqedonia e Veriut dhe Shqipëria kanë bërë shumë. Po, mbetet shumë më tepër për të bërë, por hapja e bisedimeve për anëtarësim është vetëm hapi i parë, procesi do të zgjasë me vite dhe ata do të duhet të plotësojnë të gjitha kriteret para se të lejohen”, shtoi ai.

Burimet thanë se Hollanda dhe Danimarka ishin gjithashtu qartë kundër ofertës për Shqipërinë kur ambasadorët e BE diskutuan çështjen me dyer të mbyllura në Bruksel të enjten, megjithëse Hollandezët kanë sinjalizuar fleksibilitet të mundshëm për Maqedoninë e Veriut./Panorama