Ditën e djeshme, Shqipëria u trondit pas tërmetit të fuqishëm që ra me epiqendër në Adriatik.
Të shumta ishin dëmet që u bënë nëpër ndërtesa dhe teksa priten lëkundje të tjera më të lehta, aktori Romeo Veshaj ka vendosur ta marrë me sportivitet këtë situatë.
Ai i ka bërë një rreng vëllait të tij më të vogël, Marios, të cilin e ka trembur në gjumë.
Teksa Mario flinte, Romeo i ka shkuar mbi kokë duke e filmuar dhe i bërtet të çohet pasi ka rënë tërmet.
“Ra tërmet, çohu”- i thërret ai të vëllait, ndërsa ky i fundit ngrihet i frikësuar, por më pas e kupton që Romeo po e filmon dhe shtrihet sërish.
“Më trimi i shtëpisë dhe pjesëtari më i qetë i familjes gjatë tërmetit.”- shkruan Romeo me humor krahas videos që i ka bërë të gjithë të qeshin.