Në kuadër të luftës së qeverisë kundër informalitetit, kryeministri Edi Rama ka shpërndarë një mesazh në rrjetet sociale ku duket se aksioni i qeverisë nuk kursen as biznesmenët që Rama “i do shumë”. 

“Yllin e famshëm të Peshkut në Tiranë, e dua shumë se është punëtor i madh, po ligjin e dua edhe më shumë! Pranej Yllo, se t’kom ene katunarin tim anej nolt, men për her tjetër me kuponat ene mos e harro inglizin, që thotë “Dy gjona jon t’vdekme për robin n’demokraci, vdekja ene taksat”?, shkruan Rama në FB.

Por pas këtij postimi, Rama ka marrë një mesazh nga biznesmeni i cili i shkruan: Haha vallaj vdekjen e disha por ket gje jo por me thon te drejten me reformat qe jan ber jam ber akoma me i fort. Gati investimi i radhes per 2020. Kuponi toleranc zero.

E pas këtij mesazhi ka reaguar sërish kryeministri Rama që shkruan në FB:

“Falemnerit Yllo, ne katunarët e Tironës e dum shtetin, dihet ajo punë, por pa shaka, rrofsh që s’mi provokove nervat me ndonjë mesazh allasoj?
Miqësia miqësi, po llogaria llogari?”