Komisioni Qendror i Zgjedhjeve (KQZ) ka rrrëzuar 14 kërkesat e fundit ankimore të partisë “Bindja Demokratike” për zgjedhjet vendore të 30 qershorit.

Ky vendim i KQZ-së u argumentua me pamjaftueshmërinë e provave të paraqitura nga BD për pretendimin e manipulimit të procesit zgjedhor. Nga ana tjetër, BD pretendon se provat mund të gjenden vetëm nga Komisionerët, të cilët i ishin mohuar nga KQZ-ja në disa qendra votimi.

Më herët, eksponentë të forcës politike të drejtuar nga ish-deputeti i Partisë Demokratike, Astrit Patozi, kanë paralajmëruar paraqitjen e ankesave në Kolegjin Zgjedhor.