Kreu i Partisë Demokratike, Lulzim Basha, do të mbledhë mesditën e sotme aleatët e tij.

Mësohet se takimi mes Bashës dhe aleatëve do të zhvillohet në orën 12:30, në selinë e PD, ku do të diskutohet për vijimësinë e aksionit opozitar në javën e fundit të qershorit, që mbyllet me datën 30.

Kjo mbledhje bëhet një orë pasi Kryeministri Edi Rama në selinë e Partisë Socialiste ka mbledhur Kryesinë e PS dhe ka caktuar detyrat për mbylljen e fushatës elektorale dhe zhvillimin e zgjedhjeve më 30 qershor dhe po ashtu, një orë para mbledhjes së Kolegjit Zgjedhor.