.

“Nuk të hanë gjë”, Eva Murati dhe Sidorela Gjoni zbulojnë SMS-të që iu dërgojnë futbollistët shqiptarë

Futbolli në Shqipëri është kthyer padyshim në një ndër sportet më të dashura jo vetëm për djemtë por edhe vajzat. Shumë tifoze apo modele janë tërhequr nga ky sport i bukur, madje disa prej tyre kanë guxuar edhe të jenë pjesë e tij si prezantuese apo gazetare në mediat sportive.

Eva Murati dhe Sidorela Gjoni janë 2 shembuj konkret që kanë arritur t’ia dalin duke korrur mjaft sukses në mediat sportive. Eva drejton emisionin “Champions League” në Tring, ndërkohë që Sidorela është gazetare prej vitesh në “Supersport”.

Të ftuara në emisionin “Trokit” në IN TV, bukuroshet e ekranit veç të tjerave kanë zbuluar dhe SMS më të shpeshta që i dërgojnë futbollistët në rrjetet sociale.

Moderatori: Katër SMS më të shpeshta që merr nga futbollistët?

Eva Murati: Çkemi! Ylli! Zemra! Shpirti!

Sidorela Gjoni: Çkemi! Sa e mirë! Sa e ëmbël! Sa e bukur!

Moderatori: Nuk nis asnjëri me uri seksuale?

Sidorela Gjoni: Jo mo avash ti! Po bëjnë kështu sikur nuk duan.

Moderatori: Të hëngsha të bëfsha, nuk janë kështu kanibalë?

Sidorela Gjoni: Nuk të hanë gjë. Nuk thonë të hëngsha domethënë…

Moderatori: Katër futbollistët ndërkombëtarë që do doje t’i takoje?

Sidorela Gjoni: Xabi Alonso, Kristiano Ronaldo, Murinjo (trajner), Modriç

Moderatori: Katër skuadrat me tifozët më të zjarrtë shqiptarë?

Eva Murati: Partizani, Partizani, Partizani edhe Tirana, hajde po e vendos se do më shajnë./Panorama