Pak kohë më parë reperi, S4MM paralajmëroi fansat se shumë shpejt do të publikojë një album të ri. Për këtë arsye ai ka fshirë pjesën më të madhe të postimeve në ‘Instagram’ dhe nuk është shumë aktiv. Megjithatë së fundmi S4MM nuk ka ngurruar të thumbojë publikisht këngëtaren e njohur, Enca, përmes ‘Instastory-t’. “Foton e kopertinës së albumit do të ma bëjë Enca se kam dëgjuar që e përdor mirë ‘photoshop-in’”, ka shkruar reperi dhe e ka shoqëruar me disa ’emoji’ duke qeshur me lot.

Pavarësisht komentit te tij, Enca nuk ka reaguar ende për këtë çështje. S4MM njihet për “diss-et” e tij, por më së shumti për ato që kanë lidhje me reperët e tjerë si Fero apo Hellalbanianz. Ndërkohë së fundmi ai ka publikuar këngën “Janari”, që u prit mjaft mirë nga fansat e tij. /revistawho.com