Një burrë shqiptar, me profesion kasap ka plagosur rëndë gruan me të cilën ishte në proces divorci. Ngjarja e rëndë ka ndodhur dje në Suzzara në provincën e Mantovës.

Sipas mediave italine, sherri ka nisur në parkimin e një qendre tregtare, kur shqiptari nisi të zihej me ish gruan e tij, 37 vjeç.

Në sherr e sipër ai ka nxjerrë thikën dhe e ka qëlluar atë disa herë. Gjaku dhe ulerimat alarmuan dëshmitarët e shumtë që ishin në vendin e ngjarjes. Ata njoftuan policinë, ndërkohë që gruaja u transportua në spital.

Më pas, shqiptari u vu në pranga, por më parë tentoi të arratisej, duke u hedhur nga një mur i lartë. Policia thotë se sherri ka nisur për shkak të detyrimeve që burri duhet të jepte ligjerisht për 3 femijët.