Ish-kryeministri Sali Berisha përmes postimit të një bisede në Whatsapp midis studentëve të mjekësisë, thotë se në mesin e tyre ndodhet një besëprerë.
Në mesazhe duket se një prej tyre ka komunikuar veçmas me kryeministrin Rama, dhe është propozuar të ketë një takim në fakultet me pjesëmarrjen e 250 deri në 300 studentëve.
“Ja si u fut thiken mbas shpine nje besprere studenteve te mjeksise! Sb”, shkruan Berisha bashkëngjitur fotos.
Kujtojmë se protestës së studentëve gjatë ditës së sotme u janë bashkuar dhe qytetarë të ndryshëm, të cilët shprehen se qeveria duhet të japë zgjidhje për të rinjtë, dhe të mos i hedhë dru zjarrit.
Gjatë ditës së nesërme pritet që të ketë një protestë edhe më masive, ndërsa studentët kanë bërë thirrje që t’i bashkohen qytetarët, po jo përfaqësuesit e partive politike.