Sekretarja e Përgjithshme e Partisë për Drejtësi, Integrim e Unitet, Mesila Doda, ka reaguar për varrimin që iu bë minoritarit grek, Kostandin Kacifas, i cili u vra pas një dyluftimi me forcat RENEA në Bularat të Gjirokastrës.
Sipas saj edhe pse nuk flitet keq për të vdekurin, terroristi nuk duhet nderuar.
“Ne shqiptaret e kemi zakon qe nuk flasim keq per te vdekurit e duke ju permbajtur ketij kodi kam heshtur deri me tani. Po qe per nje terrorist na shkulen deputete e na tregojne nderimin per terroristin kjo eshte e tepert. Kocifas nuk eshte heroi i Bularatit, eshte turpi i tyre dhe i minoritareve shqiptare qe mori armen e doli ne mes te fshatit duke shtene. Ekstremizmi nuk nderohet, denohet. E mos e harroni, sa kohe do kete varreza te ushtareve greke do kete edhe provokime te forcave te erreta paramilitare greke ne jug te vendit,” shkruan Doda.