.

Bëhuni baballarë para moshës 35 vjeç sepse fëmijët mund të lindin me sëmundje!

Meshkujt duhet ta nisin familjen para moshës 35 vjeç, në mënyrë që të shmangin rreziqet që mund të prekin fëmijën e tyre. Të dhënat vijnë nga një studim i ri, ku u vëzhguan 40 milionë bebe dhe nga ku rezultoi se rreziku që të kishin komplikacione në lindje shfaqej qëkur baballarët e tyre ishin 30-tat e tyre, e që rritej në mënyrë të dukshme deri në moshën 45-vjeçare.

Për dekada me radhë, femrat janë këshilluar që të mos ndiqnin më parë karrierën dhe ta linin lindjen për më vonë, pasi në këtë mënyrë do të vinin në rrezik fëmijën e tyre. Por studimi i ri, i publikuar në British Medical Journal, tregon se përgjegjësi kanë edhe meshkujt. Sipas ekspertëve, të lindurit një bebe të shëndetshme varet nga të dy prindërit dhe mosha e babait kontribuon gjithashtu. Sipas Profesorit Michael Eisenberg, nga Shkolla e Mjekësisë në Universitetin e Stanford, një moment që babai mbush 35 vjeç, ekziston mundësia, ndonëse jo shumë e madhe, që të ketë defekte në lindje.

Sipas “Klan”, ky rrezik rritet më shumë ndërkohë që meshkujt shkojnë në të 40-at dhe të 50-at. Kjo ndodh pasi çdo vit që kalon, meshkujt akumulojnë dy mutacione të reja në ADN-në e spermës së tyre.

Krahasuar me baballarë të moshave 25 deri në 34 vjeç, bebet e lindura nga baballarë të moshave 35 deri në 44 vjet, kanë rreth 5 përqind më shumë shanse që të lindin para kohe, apo të kenë peshë të vogël në lindje. Eisenberg tha se në këtë pikë, mekanizmat biologjikë që luajnë një rol të mundshëm janë të paqartë, por dyshimet janë se rol ka placenta e nënës.