.

Të papriturat e motit! Nga nesër rënie drastike temperaturash

 

Ditëve të ngrohta po u vjen fundi. Nga nesër do të kemi rënie drastike të temperaturave. Sipas Meteoalb zyrtarisht nga dita e Hënë në darkë do të futemi në stinën e vjeshtës.

Gjatë ditës së hënë paradite dhe në drekë temperaturat do të arrijnë në 32 gradë celsius, ndërkohë që pasdite ato do të bien me 6 gradë menjëherë.

Moti sipas Meteoalb:
Temperaturat do të ulen në mënyrë të theksuar gjatë mbrëmjes së të hënës dhe vijojnë të martën, të mërkurën dhe të enjten, ku në zona të thella malore termometri do të zbresë edhe në 0 gradë C. E premtja dhe në vijim sjellin sërish rritje të vlerave termike.

Problematike paraqitet shpejtësia e erës vonë pasditen e së hënës dhe në vijim, gjatë natës dhe ditës së martë dhe pjesërisht të mërkurën.