Olsi Bylyku, ose siç njihet ndryshe me emrin e personazhit të tij Kimikati ka konfirmuar se nuk do të jetë pjesë e ‘Portokalli’.

Ai ka konfirmuar se tashmë nis një projekt të ri aristik por pa treguar se për çfarë bëhet fjalë. Ndërkohë ka falenderuar edhe produksionin që i dha mundësinë për të qenë pjesë e spektaklit.

“E ndjej detyrim të sqarohem për të gjithë ju që më keni shkruar, më keni telefonuar dhe pyetur pafund mbi largimin tim nga ‘Portokalli’, por mbi të gjitha për të gjithë publikun që më ka ndjekur dhe mbështetur në rrugëtimin tim deri më sot. PO, është e vërtetë që nuk do të jem më pjesë e emisionit qe më hapi dyert e ëndrrës time, për ta vazhduar në 1 tjetër angazhim artistik. I jam mirënjohës gjithë jetën regjisorit Altin Basha që më dha mundësinë të shpreh talentin tim. Faleminderit të gjithë aktorëve ose me saktë idhujve te mi, në batutat e të cilëve u rrita dhe pata fatin të jem koleg me ta. Faleminderit ‘Top Channel’ për hapësirat që më ofroi në televizion. Falenderime pafund për publikun tim, frymëzimin dhe energjinë e pashtershme që buron në çdo duartroktitje. Po iki i përlotur për punën që investova dhe marrdhëniet njerëzore që arrita të krijoj, për të qeshur me të ardhmen që do projektoj pranë publikut shqiptar dhe marrdhëniet e reja që do ndërtoj…Zoti ju rujt”- ka shkruar Kimikati.