Një lajm i mirë vjen për të gjithë maturantët ngelës të provimeve të maturës për sezonin shkollor 2017-2018.

Pas disa vitesh, për të 37 mijë studentët e testuar përgjatë këtij muaji në provimet e lirimit nga gjimnazi është rikthyer përsëri sezoni i vjeshtës.

Sipas rregullores së re, maturanti konsiderohet si ngelës nëse ka marrë më pas se 20% të pikëve të vendosura në provim për të kaluar, ndërkohë që do të ketë edhe një mundësi tjetër për t’ju rikthyer provimit të mbetur.

Ende nuk janë bërë të ditura datat e riprovimit të maturantëve, teksa ditën e nesërme do të zhvillohet edhe testimi i fundit, ai i lëndëve me zgjedhje.