.

Deputeti socialist në gjendje të rëndë, Rama lutet për shëndetin e tij

Kryeministri Edi Rama përmes një postimi në Facebook ka lajmëruar se deputeti i Shkodrës, Paulin Sterkaj është në gjendje të rëndë shëndetësore, pa specifikuar konkretisht për çfarë bëhet fjalë.

“Miku ynë Paulin Sterkaj po kalon një provë të vështirë pas një befasie shëndetësore, të cilën lutemi ta përballojë si kampioni që kemi njohur gjithnjë, qysh në rininë e hershme kur ngrinte peshë zemrat e sportdashësve brenda e jashtë vendit. Forca mik. Jemi të gjithë me ty”, shkruan kryeministri Rama në faqen e tij në Facebook.