Aktori i mirënjohur nuk i kurseu aspak akuzat ndaj kryeministrit Edi Rama gjatë një lidhjeje telefonike në ‘Studio e Hapur’, ku po diskutohej mbi Teatrin Kombëtar me aktorin Mirush Kabashi.
Ndrenika tha se është ndjerë i fyer nga Rama, kur pak kohë më parë i refuzoi fjalën në prezantimin e projektit të ri të teatrit. Tërthorazi Ndrenika e quajti Ramën një aktor të patalentuar dhe kujtoi akuzat që i janë bërë kur erdhi nga Parisi. Ndrenika gjithashtu i kujtoi Ambasadorit Lu se peshqit e mëdhenj i ka para syve.